唐詩詠勸鄺敏慧（中巴）多讀聖經令心境平靜，又力撐崔建邦（Amigo）沒有動粗。
崔建邦涉嫌打女友中巴，令舊愛唐詩詠連日來備受傳媒追訪。唐詩詠昨午偕高海寧為好友項明生推出的新書《足足五千年》站台時，唐詩詠表示至今仍沒有與Amigo聯絡，對於外傳她傳短訊給Amigo，導致中巴打翻醋埕，她笑說：「係咪掉轉咗呢？我收到短訊會禮貌回覆，但冇乜特別感覺！」但她不禁揶揄中巴：「如果真係好愛一個人，又點會特登攞啲私事出嚟講呢？（支持Amigo？）我哋一路都係朋友，我肯定過往嗰幾年，自己冇畀人打過！（擔心佢前途？）只希望事件快啲清楚！（信唔信Amigo向中巴爆粗？）咁我身邊都有朋友講粗口，玩就有，以前啲嘢唔記得喇！」
再問到可否覺得有人博宣傳，她說：「我唔知有乜目的，但要宣傳都有好多方法，或者佢應該睇吓聖經，心境會平靜啲，亦會明白人生道理！」她又堅拒與Amigo復合：「總之係朋友，況且我想專心工作！」
高海寧「發福」賴水腫
此外，以肚皮舞Look示人的高海寧頻頻露出打底褲，發福不少的她堅稱只是「水腫」。至於推出新書的項明生將酬勞撥捐「小母牛香港分會」，並邀得好友陳文媛以水晶打造閃亮遊戲機即場拍賣，籌得近萬港元善款。
