有「百果園E神」之稱的o靚模DaDa(陳靜)，自年初豁出去狠晒33E巨胸加4吋事業線後，人氣與財運即時提升，短短半年已穩賺50萬，不過人紅自然被人翻舊帳，有指DaDa本屬A cup微波，近年卻突然升cup，對被指整容，DaDa輕鬆回應：「以前着Tube Bra，而家着Push Up Bra嘛！再用埋Wonder Bra，C都變E啦！」啊，原來又係賣假貨。
DaDa上位後連接多個廣告，6月中先有online game廣告於香港播出，之後再去台灣為服裝品牌宣傳，然後又返內地為另一online game做代言人，每個收10萬，連埋6月做10幾個商場騷，已穩賺50萬。DaDa曾揚言：「『事業線』強啲，事業都會好啲，想多條路畀自己行！」短短半年已為自己行了一條吸金之路，認真恭喜晒。
19歲仍未發育
對於連番被質疑曾經隆胸，賺錢賺到心雄的DaDa更加懶理，只拋下一句:「我唔介意再去照X光證明冇整容。」
佢以為香港人真係咁得閒，不過，佢有佢否認，但其平胸照依然如文物般不斷被出土，本報便收到一批DaDa於兩年前做龍模的「未發育照」，着Tube Top的她，上圍恍如遭輾過一樣，E級巨咪及深長事業線完全隱形。
DaDa更指「以前冇咁興（大胸），我會收埋，紮胸出街。」一句紮胸出街便可將平胸一事推得一乾二淨，請為DaDa鼓掌。
