剛過去的馬季比前增加5次賽事，因此而延至七月中方抖暑。隨着近年賽馬投注額持續低迷，增加賽事無疑對馬會收入有正面的幫助，既然一海之隔的澳門賽馬在這段時間亦舉行賽事，香港實行全年跑馬並非出奇，若真成事實，相信第一時間衝出嚟抗議嘅人就係騎師們。

香港夏季天氣炎熱，七月的氣溫高達30度以上，在烈日當空下跑馬，就算馬匹頂得順，人亦未必捱得住。七月四日的沙田日賽，當午場內錄得約33度，鄭雨滇及蘇狄雄賽事舉行期間，便因身體不適而提早退下火線。

馬圈中人已有不少抱怨聲音，首當其衝是騎師，要在三十幾度高溫下競賽，尤其對於要節食造磅的騎師，體力上未必足夠應付，跑跑吓中暑暈低，甚至搞出人命亦未為過。

受訪的騎師對於全年跑馬的建議均表示抗拒，因為他們經過一個馬季的奮鬥，身心都已很疲憊，十分渴望休息的時間。
跑得太密人馬厭戰

畢竟騎師不是機器，跑得太密人同馬一樣會失去比賽的興趣。馬仔就話可以跑攰咗去放草，惟騎師每次賽事閒閒哋要跑十場八場，現時一季83期賽事，更不時出現騎師荒，呢班「捉奇」季尾已經搏到殘殘哋，若然全年不停跑馬，試問點頂呀？
練馬師倡炎夏跑夜賽

練馬師對於全年跑馬的意見不一，有的表示現時馬季延長已帶來諸多不便，籌備來季的時間變得緊迫，

要縮短甚至取消出外度假及選購馬匹的時間，所以真的全季無休，更加苦不堪言。

不過，亦有不少倉主認為增加賽事無疑對整個馬圈的收入有直接的得益，所以就算全年跑馬，

他們大多都表示會接受，但最好只局限在炎夏安排夜賽，防止馬匹中暑，同時亦可減低騎師怨氣。

呂健威：跑多啲搵多啲

其實大部分中小型倉口對全年跑馬都不會有異議，正如呂健威所講，

多啲賽事舉行等如多啲機會贏馬爭取成績，個餅大咗每人咬多口，大家受惠，何樂而不為呢？

暑期空虛 馬迷叫唔好停

由於賽馬已成為部分香港市民生活的一部分，暑期停火令到班發燒友「絕對空虛」，

加上七月至八月中是歐洲各大足球聯賽的休賽期，冇波冇馬自然失去寄託，所以對於全年跑馬的建議，

馬迷普遍投贊成票。

黎先生：「賽馬係馬迷生活一部分，每年馬季抖暑不期然會感到空虛，精神沒有了寄託，

所以全年跑馬我一定會支持。冇錯，香港七、八月天氣炎熱，若日間跑馬，

入場人數一定會銳減之餘，而騎師及馬匹亦未必頂得住，但馬會可以考慮係這個時段跑夜馬。」

增加馬匹作後盾

謝先生：「澳門馬會喺暑假都舉行賽事，因此我覺得全年跑馬絕對可行。

不過，馬會要作出相應的措施，如增加馬匹的數量，以應付更多的賽事。

將來馬會在從化的訓練基地落成，馬房的養馬量屆時可望大為增加，練馬師調度馬匹休息、

操練的彈性亦大大加強，抖唔抖暑都沒有分別。」

實俾班道德塔利班嘈:fff: .


不過我都贊成不要全年跑馬.
唔係人地國家全年跑香港都要跟住做.

7月開始全部跑夜馬(星期六9場19:00-23:00)一周一次,跑到8月尾休息9月中開鑼. 唔好貪心搞咩黃昏馬棧攞來衰:tttt:

[ 本帖最後由 櫻花 於 16/7/2010 11:40 AM 編輯 ]

本地騎師一方面怨沒有出賽機會，但又不接受增加出賽機會的全年跑馬。搵食當然艱難，點解唔諗下暑假期間，外地大師傅均渡假去，而留在港的騎師會有更多機會?

不如好似日本咁跑12場算啦。:tttt:
熱辣辣跑馬，唔好講隻馬同馬上面果個，我呢個睇既都覺得辛苦。:llll:

就算跑夜馬 , 係8月夜晚既溫度都係碼超過32度以上 , 到時咪又係咁熱:ppp:

6月尾和9月尾現在好多時都過32度架喎..
不如只係11月-4月先跑馬啦:yyy:

[ 本帖最後由 櫻花 於 16/7/2010 11:43 AM 編輯 ]

你都幾好笑 你知唔知人地點解可以渡假? 呢個係因為佢地有"大假"放先可以咁做
如果全年跑馬 佢地想放假係要向馬會申請  除非簽約期只係去到6/7月

香港實行全年跑馬並非出奇，若真成事實，相信第一時間衝出嚟抗議嘅人就係騎師們。

如果佢篇文有騎師既訪問,會更有力

到時到評馬人係度嘈:fff:

我相信有好多人"贊成":yyy:

全年跑馬....真係咁想跑死馬:zzz:

咁乾脆播日本馬算囉。:jjjj:

呂健威：跑多啲搵多啲

其實大部分中小型倉口對全年跑馬都不會有異議，正如呂健威所講，

多啲賽事舉行等如多啲機會贏馬爭取成績，個餅大咗每人咬多口，大家受惠，何樂而不為呢？


你個垃圾俾你跑多兩個月都係贏唔到馬架啦:abcde:

真係當D騎師唔係人黎 :abcde: :abcde:

其實有無騎師反對根本就唔重要,最重要係有無騎師願意跑. 只要馬會給與騎師選擇權,係暑假繼續跑多勞多得鍛鍊騎功或出外休假,如果依然有騎師反對他們就係自私和侵占了別人繼續工作嘅權利.
還有我們要以當事人意願為依歸不能想當然,可能有不少騎師都不覺得暑假跑馬有什麼,正如我就最喜歡每星期正午12點至2:00打網球烈日當空下,個人不知覺得幾過癮.

[ 本帖最後由 櫻花 於 16/7/2010 12:57 PM 編輯 ]

講真暑假鍛鍊騎功騎師好多都寧願去其他地方闖下擴闊人際關係同視野啦 :abcde: :abcde:

外國大師傅當然係問題,本地大師傳本地出賽率都有問題仲講外出...
而且最重要都係講嗰個句  選擇權

政府肯比先得ga.
唔係今屆得2場日本轉播賽咁少咩:ppp:

如果想滿足馬迷暑假馬癮 ... 寧願向政府府爭取增加海外轉播quota ...

暑期歐洲大賽多的是 ...

:llll:

個人的 , 實在有點不明 , 既然足球投注也沒有受限制 , 為何越洋海外賽馬卻受到限制?

只怪賽馬的"體育性" , 在香港依然未被廣泛接受 ...

:sss:

[ 本帖最後由 iamjack 於 16/7/2010 12:57 PM 編輯 ]