基於好多版友不明白何謂自殺式狂放，何謂大逃，又為什麼有部分放甩場次小組並未給予騎師警告，部分卻對騎師發出警告其根本原因就在段速的區別，從此項數據可以大致看出騎師的步速智慧。邊啲騎師係柒鳩亂放，邊啲騎師係有意識控制步速造成喪放假象，實則是大逃，我們可以通過段速的差異看出。

    之前在此post:
http://www.discuss.com.hk/viewthread.php?tid=25841847&extra=page%3D2&page=1

    本人已經在#15，#20，#25，#26，#30 有過自己的論點


    下面光輝同大家比較下幾場比較經典的所謂的「大逃」賽事：

No.1：超有利(蔣嘉琦) VS 得盛(黃皓楠)

超有利604場次所造段速：26.11，24.09，23.82，24.10，23.51
得盛694場次所造段速：13.68，21.75，22.70，23.65，24.60

    在此我們可先將第一段搶出來放頭的時間抹去，只比較後四段，可以睇到超有利後四段的段速皆保持在23.5到24.1之間，相差不到0.6秒，而且第四段仲要比第三段慢多少
    得盛卻不同，時間從第二段起逐步遞增，而且幅度還不小
    從另一個角度睇，得盛係沒有足夠的回氣途程，全程同喪放無分別，等同得盛在約束不當的情況下撒腿狂奔，沒有章法，早早用曬啲力，導致最後腳軟大敗；
    但超有利則不同，在第四段得到寶貴的回氣時間，從而末段可以再爆23.51。而且分段控制得非常出色，段段時間相差無幾，馬兒完全在受控範圍內保持一個較平均的速度放頭，並無因此消耗太多氣力，最終可以保證超有利勝出該場賽事
    這就是為什麼兩者都造成喪放的假象，但超有利是出色的大逃跑法，得盛就只不過是無腦鳩放而已
所以小組針對問責黃皓楠而不問責蔣嘉琦係完全正確。而且蔣嘉琦可以贏咁多馬，成績出色過黃皓楠許多不是僥倖的。從上述情況就可以睇得出，琦妹的步速智慧要遠勝浩南哥
    而為何647場次黃皓楠放得盛得第二卻沒有被小組問責，大家睇睇段速就可以明白

    鄭雨滇放引伸波幅贏馬為何會被問責亦是同樣道理，純粹因為隻馬夠勁先捱到。
    呂卓賢放一馬當先更是離譜，第二段快至傻咗的20.69，但此人並無收手，仲要在轉彎時推多幾下，哩啲屬於典型的全無步速智慧，意識嚴重不合格，後三段分別為20.69，23.25，25.27，其段速差距大到只可以用荒謬形容，他被吊銷牌照亦不是什麼稀奇的事了。
    而上季533場次黃皓楠騎平天下一樣屬於鳩放，只不過路程嫌短，兼超輕磅捱到而已，並不是黃皓楠步速智慧有幾高，可能照顧到見習生兼贏馬，小組未採取進一步行動。但就此場來講黃皓楠發揮並不算太好。我本人不知黃皓楠是否係古惑仔，但就此兩場來看，他想在馬壇立足，需要付出更多的努力。而琦妹可以旋風式掃咁多W，係有一定道理的。

No.2：超力好(柏兆雷) VS 榮進之光(武豐)

    批判完後，當然就係欣賞下兩位世界級大師傅的大逃表演

超力好06年215場次所造段速：27.10，23.60，24.70，24.20
榮進之光香港盃所造段速：26.17，23.47，23.75，23.59，23.62

    當然兩匹馬一個係G1馬，一個只係四班馬，比較總時間意義不大，在此我們只看段速
    兩者皆是典型的大逃跑法，超力好本身個口同跑姿不太乖巧，轉彎時大波勾便是明證。正如我之前post度提過，要在馬匹性能、跑法上與段速取得平衡是非常困難的事。因為好多馬有口，不太願意聽從騎師控制，又或者本身脾氣不佳，鐘意郁來郁去令騎師難以駕馭等原因。特別係放頭馬，一旦有口，在沒有遮擋下便容易肆意狂奔。此時就需要騎功出色的騎師加以約束，令其可以在合理的分段時間內放頭，保證最後尚有餘力進行衝刺。既然超力好本身並非一匹易於操控的馬，想要玩大逃簡直係一件藝高人膽大的事。但柏兆雷就做得到，雖然係大逃，但第三段時間係比第四段時間慢，即係馬匹途中有回氣，並非一味喪放。柏兆雷的功架有幾多，大家可以想象得到。

    而榮進之光就更加恐怖，四段竟然都控制在23.5左右，最大差距不超過0.3秒，可見武豐的步速智慧是非常驚人，猶如心中有一個錶一樣計時計到準一準，加上榮進之光本身善於大逃、氣量十足、質素過硬，大逃跑法成功放到便不是什麼難事了。所以武豐被稱為日本國寶是有一定道理的。

    總括而言，引用我之前講過的說話：

    輕磅只係其中一個會提升放頭馬威力的因素，步速智慧就唔係咩騎師都會有，有時候某啲大師傅在不知不覺下禁慢步速而令後方騎師無察覺。
    放頭哩家野一樣很有學問，對騎師的騎功同經驗要求甚高，要在與馬匹交流的過程中仲要很好地控制牠們在合理的段速下放頭競逐，絕非易事。可惜好多馬迷察覺唔到哩樣野，所以在此開哩個掃盲貼俾大家參考。想更進一步了解段速，大家不妨翻查高雅志與精英大師的黃金拍檔如何演繹放頭的藝術便可更加了解控制段速的巧妙之處。

以上內容轉自香討馬版

好貼
受控下快放 同 失控狂放 的確兩回事來

(某 d 76 連今年安田都話係大逃
姐係大逃係咩都唔知
根本就唔駛討論 )

雖然詠彩就點都係輸,但咁岩今年遇正個超慢步速都真係幾唔好彩

自殺式狂放有無成功例子?

引伸波幅就係...

你依d典型係結果推論過程正確與否
用小妹同王浩南騎功比較
卻刻意忽視兩者坐騎的實力差距
小妹一日幾多隻上風馬,南哥呢

入正題
其實大逃效果與否,除左看放個個,最主要係看對手跟吾跟你一齊放
對手同你隊,你放到段段21都係做吾到大逃效果
有時好似超有利個場,其實放吾算快,都逃離好多,係際遇,吾係自己可以控制到ga
你計下,如果得盛跑個場造番超有利個段速,仲放吾放得甩.有馬逼,就會局放快左.
你講武風贏榮進之光個場,我可以話你知根本係馬大超,點跑都贏,無論你講咁樣放,定好似楠哥咁放都會贏
之後馬係法國吾放,都贏條街.超有利個場都係一樣,減夠分點跑都贏
相反,得盛大逃個2場都係下風馬,對住精氣神點跑都輸.

無疑最理想情況就係你講,段段平均23,24左右,又放得'甩可以回氣,
但玩得大逃就係非常戰略
其實都係看番馬性.你個套係普遍但非必然最好.
寶貴熱誠係美國贏幾場點玩大逃,開波狂放20馬位之後2,3段慢到比人追到,直路再鬥贏你.

小小意見, 不喜勿插

大逃...呢個名都係源於日本

從小弟於日本賽馬理解當中, 放頭馬與第2位馬匹相隔距離遠就是大逃 , 好多人以為放到好快就叫大逃, 但又唔係將後面既馬拉離好遠....
唔理成功定失敗都係大逃, 得盛雖然係自殺式狂放, 但都係一個大逃, 只係失敗 同 成功既分別

反觀樓主列舉既例子, 超力好贏馬個場並唔算大逃, 而只係快放戰略, 同榮進之光既例子一樣, 快步速, 但有馬去跟佢一隻跟一隻而唔係拉到好遠, 相反超力好係之後個季再配雷哥大逃輸個場真係大逃

其實都有好多人誤解大逃同快步速領放既分別

迷人景致當年輸比兩隻大逃馬....前面兩隻一齊鬥燒又真係好有步速智慧???  運氣欸

好似上周尾場隻勇士勁
放到57秒5都甩吾開一個馬位
你係浩楠哥可以點
明知隻馬鬥後勁係零機會輸硬
大摩賽前又叫你放頭
吾通你按番段段23跑,由得馬留到後面?
總結就係
大逃同自殺式狂放係結果
並非人為可以控制,或人為控制的影響並非勝負的主要因素
主要是視乎賽事形勢
所以,用放頭個隻段速是否合理平均依個結果
黎反推
放得是否受控
係完全錯誤

我覺得篇文主要以段速區分大逃，重點從段速入手分析，而不是強調大逃這個結果
重點係，黃皓楠功力同經驗不足，無辦法做到在保持合理段速下控制到隻馬，令隻馬可以在大逃假象下合理地留力
所以我並不同意樓上兩位的意見

[ 本帖最後由 sam1994 於 8/6/2016 04:01 PM 編輯 ]

並非人為可以控制,或人為控制的影響並非勝負的主要因素

無法認同...我覺得騎師的騎功同經驗絕對係重點

12.5 - 11.3 - 12.2 - 12.3 - 12.2 - 12.2 - 12.3 - 11.8 - 11.7 - 12.2 - 12.9
錯
中間幾段全部係中速而已
BV最後3F 32.9, 跑第2果隻36.9
反而點解可以比前面2隻用中速放離20幾馬位?
再睇番

1コーナー	7,11-5,3,9,4,10(6,14)(2,12,13,18)-8(1,16)(15,17)
2コーナー	7,11=5,3,9,4,10(2,6,14,18)(12,13)-8(1,16)17,15
3コーナー	7,11=(5,9,8)(3,4,18)(10,16)(2,14)(6,13)(15,12,17)1
4コーナー	(*7,11)=(5,9,8,18,16)(3,4,10)14(2,13)(15,6,12)(1,17)

1 CORNER前面2隻帶離第3位既LITTLE AMAPOLA不足5馬位, 然後逐步帶離到20幾馬位
而京都外回1 CORNER位係1800m, 即係前面2隻係段段24秒幾之下, 由1800-600米走甩成20馬位
後面集體發夢先係BV輸既原因

遇上呢d大逃係考驗哂所有人既步速智慧同對隻馬既熟悉度
呢d集體發夢造就左大逃得利
不過前面到底係有智慧抑或撞手神就真係佢先知啦

<br />

冠軍果隻之後黎香港跑包尾

"並非人為可以控制,或人為控制的影響並非勝負的主要因素
主要是視乎賽事形勢"

me 2
賽事形勢 咪係 人為可以控制 ge 因素 lor

有幾多馬隊, 有多馬唔隊 已經係人為啦

得盛果場賽日區果度我都話.....
西滇跑成咁係咪搏釘牌??

出閘快, 唔隊, 拉到尾4疊.....