原帖由 君子 於 17/2/2010 03:02 PM 發表
吾計 練馬師 近年好難連奪打比
其實幾睇好隻魔法幻想..
但君子一言有幾多真係未知知數...
喜勁飛 同 君子一言 柏寶 吾知點揀呢
歷黎只有兩匹馬能夠包辦打比孖寶,
分別係「生圖」同「告魯夫」.
近年未再有出現, 原因係一度停辦打比預賽, 零六年才復辦.
而路程上亦有改變,
過往的打比預賽是跑千六米, 而打比大賽是跑千八米.
但近年改革為打比預賽跑千八米, 打比大賽跑二千米, 而且更加插一場經典一哩賽跑千六米.
復辦後至今只有幾年,
「俊歡騰」當年其實很利害, 先贏經典一哩千六米, 再贏打比預賽千八米, 打比大賽僅以馬鼻位飲恨比「活力金剛」, 而我總覺得當日之敗, 有些少因為巫斯義托大之過, 末段以為勝券在握, 冷不提防大外欄有匹「活力金剛」追上, 就此失去締出四歲馬三冠的美夢。
之後一年, 「喜蓮福星」初出即奪得頭關經典一哩, 次關打比預賽以不足一馬位敗於「綠色駿威」, 尾關打比二千米以馬頸位壓倒「喜聚寶」.
由於短短兩個月內打三場硬仗, 結果一仗功成萬骨枯, 其後黯然退後。
若果當年放棄經典一哩, 以普通的一班賽作初出, 相信體力付出較少, 絕對有權贏得打比孖寶的。
去年由「自由好」贏得經典一哩, 其後跑打比預賽幕後表明不會硬拚而落敗, 該仗在快步速之下, 由「首飾奇寶」贏得打比預賽,
而「閒話一句」即以逸待勞, 以千四作熱身, 再選擇以一場一班千八作打比準備, 最終順利贏得打比預賽.
以上季「閒話一句」贏一班千八的走勢, 若果改跑打比預賽, 要捧盃亦非奢望, 那麼就完成打比孖寶.
由此可見, 要贏打比孖賽的難度並非贏長途三冠般難, 問題在於幕後有無心去爭此虛銜.
而大部份練者都明顯將目標放於正本戲打比大賽之中呢!
